ຂັ້ນຕອນສະໝັກເຂົ້າເປັນສະມາຊິກ ອົງການການຄ້າໂລກຂອງລາວ ຈະສຳເລັດທ້າຍປີນີ້

ກອງ​ປະ­ຊຸມ​ໜ່ວຍ​ງານ​ການ​ຄ້າ ແລະ ທຸ­ລະ​ກິດ ຄັ້ງ​ທີ 2 ທີ່​ຈັດ​ຂຶ້ນ​ໃນ​ວັນ​ທີ 10 ຕຸ­ລາ​ນີ້ ຢູ່​ນະ­ຄອນ­ຫຼວງ​ວຽງ​ຈັນ ໂດຍ​ການ​ເປັນ​ປະ­ທານ​ຮ່ວມ​ຂອງ​ທ່ານ​ນາງ ເຂັມ​ມະ­ນີ ພົນ​ເສ­ນາ ລັດ­ຖະ­ມົນ­ຕີ​ຊ່ວຍ​ວ່າ­ການ ກະ­ຊວງ​ອຸດ​ສ​ຫະ​ກຳ ແລະ ການ​ຄ້າ ທ່ານ Robert von Rimsch ເອກ​ອັກ​ຄະ​ລັດ​ຖະ​ທູດ​ເຢຍ​ລະ​ມັນ ປະ­ຈຳ​ລາວ ແລະ ທ່ານ Michel Goffin ອຸ­ປະ​ທູດ​ສະ­ຫະ­ພາບ​ເອີ​ຣົບ ປະ­ຈຳ​ລາວ ທັງ​ເປັນ​ປະ­ເທດ​ຜູ້​ອຳ­ນວຍ​ຄວາມ​ສະ­ດວກ​ໃຫ້​ແກ່​ໂຄງ­ການ​ເຊື່ອມ​ໂຍງ​ເຂົ້າ​ສາ­ກົນ​ທາງ​ການ​ຄ້າ ປະ­ຈຳ​ລາວ ພ້ອມ​ພາກ­ສ່ວນ​ລັດ­ຖະ­ບານ​ຕາງ­ໜ້າ​ທຸ­ລະ​ກິດ ແລະ ບັນ­ດາ​ຄູ່​ຮ່ວມ​ພັດ­ທະ­ນາ​ເຂົ້າ​ຮ່ວມ​ນັ້ນ ໄດ້​ມີ​ການ​ນຳ​ສະ­ເໜີ​ບົດ​ວິ­ໄຈ​ການ​ເຊື່ອມ​ໂຍງ​ເຂົ້າ​ສາ­ກົນ​ດ້ານ​ການ​ຄ້າ​ສະ­ບັບ​ປັບ­ປຸງ​ຢ່າງ​ເປັນ​ທາງ​ການ ຊຶ່ງ​ບົດ​ວິ­ໄຈ​ດັ່ງ­ກ່າວ ໄດ້​ຮັບ​ການ​ສ້າງ​ຂຶ້ນ​ໂດຍ​ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ ພາຍ​ໃຕ້​ການ​ສະ­ໜັບ­ສະ­ໜູນ​ຈາກ​ໂຄງ­ການ​ເຊື່ອມ​ໂຍງ​ເຂົ້າ​ສາ­ກົນ​ດ້ານ​ການ​ຄ້າ ພ້ອມ​ນີ້ ກອງ​ປະ­ຊຸມ​ຍັງ​ປຶກ­ສາ​ຫາ­ລື​ຂະ​ບວນ​ການ​ເຂົ້າ​ເປັນ​ສະ­ມາ­ຊິກ​ຂອງ​ອົງ­ການ​ການ​ຄ້າ​ໂລກ ການ​ກະ­ກຽມ​ສຳ­ລັບ​ໂຄງ­ການ​ອຳ­ນວຍ​ຄວາມ​ສະ­ດວກ​ດ້ານ​ການ​ຄ້າ​ໃນ­ຕໍ່­ໜ້າ ແລະ ບົດ​ລາຍ​ງານ​ໜ່ວຍ​ງານ​ພັດ­ທະ­ນາ​ການ​ຄ້າ ແລະ ພາກ​ທຸ­ລະ​ກິດ​ອື່ນໆ.

ທ່ານ​ລັດ­ຖະ­ມົນ­ຕີ​ຊ່ວຍ​ວ່າ­ການ ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ ປະ­ທານ​ກອງ​ປະ­ຊຸມ​ໜ່ວຍ​ງານ​ການ​ຄ້າ ແລະ ທຸ­ລະ​ກິດ ໄດ້​ກ່າວ​ສະ­ແດງ​ໃຫ້​ເຫັນ​ເຖິງ​ຄວາມ​ມຸ່ງ​ໝັ້ນ​ຂອງ​ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ ໃນ​ການ​ເຊື່ອມ​ໂຍງ​ວຽກ​ງານ​ການ​ຄ້າ​ເຂົ້າ​ສູ່​ສາ­ກົນ ແລະ ພາກ​ພື້ນ​ວ່າ: ທ້າຍ​ປີ​ນີ້ ພວກ​ເຮົາ​ຈະ​ສຳ­ເລັດ​ຂັ້ນ​ຕອນ​ສະ­ໝັກ​ເຂົ້າ​ເປັນ​ສະ­ມາ­ຊິກ​ຂອງ​ອົງ­ການ​ການ​ຄ້າ​ໂລກ​ຢ່າງ​ເປັນ​ທາງ​ການ ແລະ ກໍ​ຈະ​ກ້າວ​ເຂົ້າ​ຮ່ວມ​ປະ­ຊາ​ຄົມ​ເສດ­ຖະ­ກິດ​ອາ​ຊຽນ​ນຳ​ອີກ ພວກ​ເຮົາ​ຕ້ອງ​ຮັບ­ປະ­ກັນ​ວ່າ: ເສດ­ຖະ­ກິດ​ຂອງ ສປປ ລາວ ຈະ​ສາ­ມາດ​ສະ­ໜອງ​ຜະ­ລິດ​ຕະ​ພັນ ແລະ ການ​ບໍ­ລິ­ການ​ທີ່​ມີ​ຄຸນ​ນະ​ພາບ ພ້ອມ​ທັງ​ສາ­ມາດ​ແຂ່ງ­ຂັນ​ໄດ້​ໃນ​ຕະ­ຫຼາດ​ສາ­ກົນ ຍ້ອນ​ເຫດ­ຜົນ​ນີ້ ຈຶ່ງ​ຈຳ­ເປັນ​ສ້າງ​ຄວາມ​ເຂັ້ມ­ແຂງ​ໃຫ້​ແກ່​ພາກ​ລັດ ພາກ​ທຸ­ລະ​ກິດ ແລະ ປະ­ຊາ­ຊົນ​ຕັ້ງ­ແຕ່​ດຽວ­ນີ້​ເປັນ­ຕົ້ນ​ໄປ ໂດຍ​ຜ່ານ​ບັນ­ດາ​ໂຄງ­ການ​ທີ່​ເປັນ​ຮູບ​ປະ​ທຳ ເພື່ອ​ສະ­ໜັບ­ສະ­ໜູນ ແລະ ພັດ­ທະ­ນາ​ດັ່ງ​ທີ່​ລະ­ບຸ​ໄວ້​ໃນ​ແຜນ​ພັດ­ທະ­ນາ​ການ​ຄ້າ ແລະ ພາກ​ທຸ­ລະ​ກິດ​ຂອງ​ບົດ​ວິ­ໄຈ​ການ​ເຊື່ອມ​ໂຍງ​ເຂົ້າ​ສາ­ກົນ​ດ້ານ​ການ​ຄ້າ​ສະ­ບັບ​ປັບ­ປຸງ 2012.

Leave a comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Blog at WordPress.com.

%d bloggers like this: