ການທ່ອງທ່ຽວວັງວຽງ ສະງົບລົງ


ການທ່ອງທ່ຽວ ເມືອງວັງວຽງ ໂດຍສະເພາະ ເລາະຕາມ ນໍ້າຊອງ ມີໜ້ອຍລົງ ໃນເດືອນ ຕຸລາ ນີ້.ເພື່ອຄວາມເປັນ ລະບຽບ ຮຽບຮ້ອຍ ທາງການ ໄດ້ອອກຄໍາສັ່ງ ໃຫ້ຮ້ານຂາຍ ກິນດື່ມ ແລະ ບາຣ໌ກິນເຫລົ້າ ໃຫ້ງົດຂາຍ ສິ່ງມືນເມົາ ໃນຊ່ວງທີ່ ລັດຖະບານ ກໍາລັງຕຽມ ຕ້ອນຮັບ ກອງປະຊຸມ ສຸດຍອດ ຜູ້ນໍາ ເອເຊັຽ-ຢູໂຣບ ຊື່ງຈະມີຂື້ນ ໃນວັນທີ່ 5 ຫາ 6 ພະຈິກນີ້ ທີ່ນະຄອນຫລວງ ວຽງຈັນ.
ຊາວເມືອງວັງວຽງ ຢາກໃຫ້ມີຄວາມ ສະງົບຕລອດໄປ ບໍ່ພຽງແຕ່ ໃນລະຍະ ການກະກຽມ ແລະ ໃນຊ່ວງ ກອງປະຊຸມ ສຸດຍອດ ອາເຊັມ ເທົ່ານັ້ນ. ຊາວັງວຽງ ຜູ້ນື່ງເວົ້າວ່າ:
“ຮ້ານ ຜັບບາຣ ທີ່ວ່າ ບໍ່ມີແລ້ວ ເພາະວ່າຊ່ວງນີ້ ມັນກຽມ ກອງປະຊຸມ ໄລຍະຍາວ ກໍຕ້ອງໄດ້ປິດໄປ ປະມານ ເດືອນໜ້າ ຊ່ວງນີ້ຕ້ອງ ຮັກສາຄວາມສະງົບ ເຂົາຈະເຮັດ ໃຫ້ມັນບໍ່ມີ ບັນຫາຫລາຍ ຕ້ອງໄປໃນທາງ ທີ່ຖືກຕ້ອງຕາມ ລະບຽບ ກົດໝາຍ ບ້ານເມືອງ ບໍ່ໃຫ້ມັນເປັນ ເສລີຫລາຍ ກໍໄດ້ແຕ່ວ່າຕ້ອງ ຮັກສາຄວາມສະງົບໃຫ້ໄດ້”.
ຄວາມບໍ່ສະງົບ ທີ່ເກີດຂື້ນ ໃນບໍລິເວນ ທ່ອງທ່ຽວ ແຄມນໍ້າຊອງນັ້ນ ສ່ວນຫລາຍ ແມ່ນຜິດຖຽງກັນ ຫລັງຈາກ ກິນເຫລົ້າເມົາຢາ ສົ່ງສຽງດັງ ໂວຍວາຍ ເຮັດໃຫ້ ປະຊາຊົນ ທີ່ຢູ່ ໃກ້ຄຽງບໍ່ມີ ຄວາມສະງົບ. ນອກນັ້ນ ການທ່ອງທ່ຽວ ລ່ອງກົງຢາງ ໃນນໍ້າຊອງ ແລະ ຂື້ນຕົ້ນໄມ້ ໂຕນນໍ້າ ເຮັດໃຫ້ເກີດ ອຸປະຕິເຫດ ບາດເຈັບ ຫລາຍກໍລະນີ ເຖິງແກ່ຊີວິດ.
ປັດຈຸບັນນີ້ ຮ້ານຂາຍເຫລົ້າ ຍັງອະນຸຍາດ ໃຫ້ເປີດຂາຍຢູ່ ແຕ່ຢູ່ພາຍໃຕ້ ລະບຽບການ ທີ່ສາມາດ ຮັບປະກັນ ຄວາມສະງົບໄດ້.

Leave a comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a free website or blog at WordPress.com.

%d bloggers like this: